Na Asociación Xaruma traballamos en saúde mental, promovendo a autonomía, a integración e a saúde emocional. Levamos anos detectando a necesidade de intervir en contextos escolares, coordinando alumnado, profesorado e familias, co obxectivo de mellorar o benestar psicosocial das persoas. Entender a saúde en todas as súas dimensións é responsabilidade da sociedade, contextualizándoa cunha perspectiva socioeducativa e coñecendo e achegando recursos e solucións ás necesidades de saúde con perspectiva comunitaria, perspectiva de xénero e de forma adaptada ás necesidades individuais. Por este motivo, propoñemos unha intervención baseada en sesións prácticas e lúdicas explicando o paradigma biopsicosocial e a teoría diáteses-estrés en saúde mental.