Aínda existe o rural. E existe a pesar de dous mundos —ou máis— que chocan nel. Un, aquel que intenta sobrevivir talvez agarrándose ás últimas opcións, talvez con algunha práctica discutible, si. Outro, o que o analiza con ollo crítico, talvez cunha perspectiva demasiado externa, talvez con demasiados prexuízos tamén. A colaboración intenta ser —apenas cun número reducido de vocábulos— unha invitación á análise dos efectos que provoca o choque social, cultural… e tamén o económico, que está tendo lugar no medio rural galego nos nosos días. E iso sempre, claro, coa intervención educativa como fondo.